मराठी पाऊल पडती पुढे.....!
सह्याद्रीच्या दर्या खोऱ्यांचा मुलुख हा वेगळा
मराठी रयतेचा माझा महाराष्ट्र सगळा !
ज्ञानेश्वरांची ज्ञानेश्वरी अन तुकोबांची गाथा
अध्यात्म क्रांती पुढे टेकला पंडितांचा माथा !
इथे जन्मले शिवबा अन दिली एक ललकारी
मुघलांच्या जाचातून केली रयत सुखी सारी !
सावित्री आणि जोतीबांची क्रांती इथेच घडली
जातीपातीची विषवल्ली मुळातून उखडली !
ज्ञानाची गंगा त्यांनी घरोघरी आणली
स्त्रिया आणि दलितांची तहान भागवली !
शाहू फुले आंबेडकरांचे स्वप्न होई साकार
समता आणि बंधुत्वाचा होईल जयजयकार !
ग्रामगीतेतून बोध केला निर्मल ग्रामचा संदेश दिला तुकडोजींच्या वचनांनी अवघा मुलुख स्वच्छ केला !
संतांची आणि विचारवतांची पुण्यभूमी इथली
मराठी पाऊल पुढे टाकण्याची पहाट पहा फुटली !
या मातीचा झाला आहे अबीर गुलाल बुक्का
डोईवर लावताना पुन्हा करू नका त्या चुका !
-- बिपीन जगताप
