माणसांच्या दुनियेत मी मश्गुल आहे
जायचे परत मजला मी विसुरून आहे
दुनिया हि रंगांची मनाला भुरळ पाडते
नाती हि रक्ताची माया तोडू न पाहते !
किती समजावले मी माझ्या मनाला
कितीदा दिली ताकीद माझ्या ह्रदयाला
मजला माहित आहे हे माझे कोणी नाही
तरीही मी आणि माझे कसे जोडून पाही !
एकटाच मी या जगात फिरतो आहे
विश्व निर्मात्याची दुनिया पाहतो आहे
मजला कधी न कळला हा गंध मातीचा
प्रकाश पडला मग त्या आतल्या वातीचा !
आता जाईन पुन्हा मी माझ्या घरात
घेईन विचारून त्या वेडाच्या भरात
मजला कोण म्हणू मी सांग एकदा
माझ्यातला मला तू शोध एकदा !
-- बिपीन जगताप
