देवत्वाचा शोध ....

देव आणि मानवात फरक एक आहे 

दोघांच्या आतून चांगुलपणा वाहे 

दगडाच्या मूर्तीला चंदन लावावे 

ह्रदयातील कप्प्यात  सुगंध दरवळावे !! 

श्रद्धा अंधश्रद्धा यात न पडावे 

माणसातले देवत्व फक्त शोधावे 

मनातील आनंदाला लोपू न द्यावे

ह्रदयातील प्रेमाला थांबू न द्यावे  !! 

झरा मायेचा वाहता ठेवावा 

दातृत्वाचा हात कधी न रोखावा 

मदतीचा पाय चालता ठेवावा 

हातामधला हात कधी न सोडावा  !!

देवत्व मग येईल आपल्या उरात

सहज बनेल मंदिर तुमच्या घरात 

देव आणि मानव असतो मनात 

नका जाऊ शोधायला कोणत्या वनात !!

-- बिपीन जगताप